View My Stats

فرح ابنى -8


فرح ابني .........8

نظرت فيروز لمن حولها ،في لحظة خسرت كل شئ،صحيح أن مراد ليس بالزوج الذي تحبه او تحترمه ولكنه موجود لتنفيذ ما تحب ،لم يعد لها تأثير عليه ،لم يبقي إلا بناتها 

_يلا يا بنات هنمشي ،مالناش مكان هنا أمسكت بيد علياء تسحبها ،لتخرج معها ونظراتها الي التؤام،لكن لم يتحرك معها أحد استدارت لتري يد محسن تمتد لتمسك بابنته أما التؤام احتضنتهم اختهم الكبري ،بعد ما سمعت لن تترك اخواتها الي أم لا تنفع أن تتحمل مسؤولية تربية ولن يتحملوا كارثة مثل علياء

 _بنات يلا 

_انا هروح اجيب المأذون ومازن علشان نكتب الكتاب ،موافق يا محسن بيه 

_موافق،.......فارس متشكر جدا ،في المستقبل هيكون لنا شغل كتير مع بعض 

_باذن الله اقتربت البنات من علياء يحتضنها ،فما رأوه من امها جعلها تصعب عليهم ،الفتيات لديهم نفس حنية ضحي، اعتراضهم علي علياء كان أنها بعيدة عن أخلاقهم وتربيتهم هي لا تنفع زوجة لاخيهم ،وبدل هي هتتزوج واحد تاني بعيد عنهم يبقي مفيش مشكلة فليساعدوها ،اخذوها لتصلح مكياجها وفستانها .خرج محسن مع خالد ليكملوا كتب كتاب ابنته،وخرجت الفتيات،وظلت فيروز كتمثال الشمع  لم يهتم بكلامها أحد  ،بقيت ضحي جالسة ،اقترب منها مراد 

_ضحي خلاص لازم تيجي انت والاولاد وتعيشوا معايا في الفيلا

 _ليه لازم

 _فيروز انا طلقتها قدامك ،كدا كل حاجة اتصلحت 

_اتصلحت ازاي 

_المشكلة كانت وجود فيروز وفيروز مشت

 _فاكر يوم وفاة ابويا ،ويوم وفاة ابوها

 _انت كل شوية تفكريني باليومين دول وتقعدي تقرفيني انا مش فاهم الموضوع دا مأثر فيك كدا ليه ،علي العموم يا ستي انا اسف اني حضنتها

 _المشكلة مش انك حضنتها 

_اومال فين المشكلة ؟!

_المشكلة انك لسه مش عارف فين المشكلة ،المشكلة مش انك حضنتها هي ،المشكلة انك محضنتنيش انا يوم وفاة ابويا ،اىمشكلة اني يوم ما احتجت لك  ملقتكش ،عارف احساسي وانا حزينة وموجوعة  ومستنية الراجل الوحيد اللي شايفاه في الدنيا هيجي يسندني ويخففعني ملقتوش ،عارف لما تبكي ومتلقيش غير مخدتك تحتضنها ،انا كنت ممكن اقبل بوجود زوجة تانية لما ابقي انا زوجة لك أنا مكنتش زوجة نهائيا ،عمري ما حسستني أنني واحدة ست مرغوبة ،عمري ماشفت نفسي حلوة في عينيك

 _كل دا انتهي وهعوضك

 _خلاص خلصت 

_لا مخلصتش انت بتحبيني وهعوضك ،انا هكتب لك الفيلا باسمك_خلصت

_مخلصتش انت بتحبيني ،واذا كانت خلصت ليه لسه مراتي ،ليه مطلبتيش الطلاق

 _مطلبتش الطلاق لانك هددتني  انك تأخد اولادي مني ،ولما فكرت شوية خفت اطلق الناس تطمع فيا ،الست بدل اخدت لقب مطلقة كل من هب ودب يحاول يقرب منها ،والستات تخاف منها ،لكن طول منا زوجة بتعامل عادي 

_وايه اللي اتغير دلوقتي نرجع نعيش كعيلة تاني وهعوضك صدقيني

 _مش هتعرف تعوضني ،اللي انا عايزاه مش عندك

 _انت بتعايرني  يا ضحي علشان بقيت عاجز 

_انت عاجز من زمان يا مراد ،مش عاجز عن المشي لا ،عاجز عن انك تشوف نعم ربنا ،عاجز عن انك تحب اللي بيحبك ،عارف لما فكرت انت محبتش حتي فيروز انت قربت منها علشان اسم ابوها ومركزه كنت عايز تكبر ويبقي لك اسم وسلطة ،لو ماكنتش اتجوزت فيروز كنت اتجوزت أي واحدة تانية علشان تليق برجل الأعمال،كنت شايفيني أقل من اني اتجوزك  أو أعيش في فيلاتك

 _ضحي انت فاهمة غلط ،انا اكتشفت اني بحبك  وانك تستحقي تكوني مراتي قدام الناس كلها ،ضحي المحامية انا هعمل لك مكتب لوحدك 

 _وانا كمان اكتشفت اني مش بحبك ،وانك عمرك ما استحقيت الحب دا ،ولا عرفت قيمتي صمت مراد قليلا ونظر إليها يتفحصها وكأنه يراها لأول مرة 

_يا تري اكتشفته مين يستحق حبك

 _ايوه صرخ مراد

_ضحي افتكري انك لسه علي ذمتي _عمري ما نسيت ولا سمحت لنفسي اني اقرب من اي راجل لحد دلوقتي

 _تقصدي ايه 

_اعتقد أن اولادي كبروا خلاص ،مش محتاجين اني أضحي وتعيش لوحدي اكتر من كدا مبقاش من العمر قد اللي  راح ،لو عايزهم يعيشوا في الفيلا معاك وهما وافقوا انا مش هتعرض،بس من حقي اني اعيش طلقني يا مراد 

_لا مش هطلقك يا ضحي  وريني هتعملي ايه ؟!

نظرت ضحي إليه في عينيه جعلته يشعر أنها إنسانة غريبة لا يعرفها هو لم يسمع منها غير حاضر مفيش مشكلة ،عمرها ما رفعت عينها في عينه

_هطللقني يا مراد بيه انت رجل اعمال كبير وصورتك ومظهرك قدام الناس ممكن يتهزوا لو وصلت  الاخبار للصحافة والناس تعرف انك هتتخلع ،انت هتطلقني براحة وبهدوء ودلوقتي بلاش تدخل ضدي في قضايا ومحاكم ،اه طبعا انت مكنتش تعرف اني محامية وشاطرة اوي كمان

 ._انت طالق يا ضحي .أخفض مراد رأسه لقد خسر كل شئ ،كل هذا كانت فيروز تراقبه لقد حانت فرصتها لتعود ،رفع رأسه ليجد فيروز أمامه

 _كدا كل حاجة بقيت علي عينك يا تاجر ،فارس اتحد مع محسن واكيد خالد هيتحوز ضحي وبجواز علياء لمازن كدا بقيت انا وانت لوحدنا ،انامن غير فلوس وانت عاجز بدون نفوذ ايه رايك ؟!

امسك مراد يد فيروز وضغط عليها بشدة 

_كدا لازم نكون مع بعض بس فيه حاجات هتتغير يا هانم 

_مفيش مشكلة يا بيبي

 يتبع.........

دكتورة جيهان محمد 

 #فرح ابني

 #جيهان محمد

Comments
* The email will not be published on the website.