المحلل - 4


المحلل ...........4 

_هنا _ايوة يا طنط 

_مالك يا بنتي هو انا كل ما اسيبك شوية ترجعي للي فات والاقي دموعك مغرقة وشك ،يا بنتي ارمي حمولك علي اللي خلقك، اللي عقدها قادر يفكها ،عارفة يا هنا انا اتجوزت وانا عندي 18سنة وعشت معه اتناشر سنة عذاب وقهر وذل كأني جارية اشتراها بفلوسه ،خلفت منه حسام والبنات لحد ما في يوم ضربني علقة موت علشان اخدت شهريتي ورحت بحسام للدكتور أصله كان سخن اوي وكان هيموت مني ،لما عرف أن الفلوس خلصت علي الدكتور والدواء رقدني اسبوع في المستشفي لحد ما جت الست الكريمة الغالية مرات الحاج احمد ،اصلي كنت بشتغل عندها بساعدها في شغل البيت ،لما عرفت اللي بيحصل اخدتني انا والولاد في البيت عندها والحاج احمد وقف جنبي لحد ما أطلقت ،بس الناس مش بتسيب الناس في حالها طليقي وأهله طلعوا عليا اشعات كتير فقامت الست الكمل ربنا يجعل قبرها روضة من الجنة جابت المأذون وخلت الحاج احمد يتجوزني ،عارفة يا هنا انا كان عندي تلاتين سنة والحاج احمد كان كاسر الستين ،بس من يوم ما بقيت مراته عشت احلي ايام عمري انا واولادي ،مراته كانت اكتر من امي حميتني انا والولاد وامنتني علي البيت واولادها والحاج احمد ماتت الله يرحمها من يجي خمس سنين عمري ما نسيتها ،كل يوم ادعي لها .

_تقصدي أن عصام هيكون زي الحاج احمد 

_لا يا حبيبتي أقصد أن لطف ربنا كبير  ،محدش يعرف الخير هيجي من فين ،يا بنتي أن جالك الغصب خديه بالرضا ،انت معملتيش حاجة وحشة وربنا ابتلاك بموضوع عصام  ،يمكن يكون خير وانت مش عارفة ،علشان تخلصي من جنون سهام اتجوزيه ،اصل سهام دي طيبة اوي و دلوعة ابوها بس هي ابتلت بحب عصام عمي عينيها ،ماشية زي المجنونة تخبط في أي ست تشك فيها ،وانت وحدانية ،هتفضل وراكي هتسبب  لك مشاكل كتير صدقيني اسلم حل لك انك تتجوزي عصام علشان تخرس خالص ومتقدرش تقول كلمة ،عارفة انت لو كبيرة شوية كنت جوزتك الحاج احمد

 _يا ريت انا موافقة ،وابقي هنا علي طول 

_يا سلام يا سلام سامع يا حاج البت عايزة تتجوزك ،دانتي داخلة علي طمع ضحكوا وخفضت هنا رأسها واحمر وجهها ،اقترب منها الحاج احمد 

_عايزة تتجوزي راجل عجوز زي معدي التمانين

 _والله يا عم الحاج انا بتكلم بجد انا لم تكمل كلامها حتي دق جرس الباب ومعه دق علي الباب بالأيدي و الأرجل ،جرت الحاجة تفتح الباب ،لتدخل سهام وهي تصرخ

 _انت رحتي بيتي امبارح ونمتي مع جوزي وقفت هنا مصدومة من الكلام وبينما احمرت عين الحاج احمد

 _سهام انتي اتجننتي ،اعقلي كلامك

 _يا عمي كانت هناك أنا متأكدة وكمان لبست هدومي نزلت دموع هنا وهي مازالت صامتة

 _هنا مطلعتش من البيت من يوم ما جات 

_لا طلعت وبتروح البيت وكمان دخل عصام يجري ورائها وهو في قمة الغضب

 _اخرسي يا سهام كفاية بقا فضائح انت ايه ما بتحرميش دائما ترمي اتهامات علي الناس من غير أدلة كدا قلت لك أن اختي جات عملت ليا الاكل ونضفت البيت

 _لا انت كداب انت كنت معها  ،هو الناس هتغلط في اختك يعني ،انت كداب هي اللي كانت معاك أنا متأكدة _متأكدة ازاي يعني شفتينا يعني 

_حاجة زي كدا بص أنا متأكدة أن التعبانة دي كانت معاك هجمت سهام تحاول ضرب هنا عندها وقف عصام بينهم وحمي هنا بظهره ،وامسك يد سهام ليوجعها وتصرخ من الالم وهو ينظر إلي سهام والشرر يتطاير من عينه

 _مش هنا خلصت العدة يا عم احمد 

_ايوة يا بني خلصت وتقدر تكتب عليها حالا وفي اللحظة وتبقي مراتك شرعا زي ما اتفقنا_ابعت هات المأذون انا هكتب الكتاب حالا  صعقت سهام ولم تكن صدمة هنا أقل منها ،حضر المأذون وكتب الكتاب  ،مالت الحاجة علي اذن سهام :سبحان الله لو اتخرتي شوية كانت هنا اقنعت الحاج احمد أنه بتجوزها وتعيش معانا ،بس هنقول ايه النصيب غلاب ،علي فكرة  جوزك مش كداب والبنت مخرجتش من البيت من يوم ما دخلت ،وبتنام في حضني وتليفونها مع الحاج احمد ونظرت في عينها طويلا :فيه واحدة حاطة  جوزك في دماغها وعايز ة تخرب عليكي ، انتي جيتي علي البنت الغلبانة دي وربنا هيعاقبك عقاب شديد نزلت دموع سهام وقالت بقهر :عقاب شديد اكتر من كدا جوزي اتجوز عليا 

_يمكن دا مش عقاب ،يمكن يكون رحمة بيكي علشان تعقلي .

يتبع ...........

دكتورة \جيهان محمد 

الصفحة الرسمية حكايا جيهان

#المحلل 

#جيهان محمد 


Comments
* The email will not be published on the website.