هاتف Oppo A12- تجربة المستخدمين
- الشاشة تأتي بشكل النوتش على هيئة الـ Water Drop المعتاد من أوبو وتأتي الشاشة من نوع IPS LCD بمساحة 6.22 إنش بجودة الـ HD+ بدقة 720×1520 بكسل بمعدل كثافة بكسلات 270 بكسل لكل إنش مع طبقة حماية من نوع Corning Gorilla Glass الجيل الثالث وتدعم أبعاد العرض بنسبة 19:9 كما تحتل الشاشة من الواجهة الأمامية نسبة 89% تقريباً .
- الأداء: معالج MediaTek Helio P35 بمعالج رسوميات PowerVR GE8320 وبإصدارات بذاكرة عشوائية تتراوح من 3 إلى 4 جيجابايت رام وذاكرة داخلية تتراوح بين 32 إلى 64 جيجابايت ويقبل الهاتف بطاقات الذاكرة
- الكاميرا الخلفية: مزدوجة العدسات مكونة من عدسة رئيسية بدقة 13 ميجا بيكسل بفتحة f/2.2 وبعدسة لاستشعار عمق الصورة تبلغ دقتها 2 ميجا بيكسل بفتحة f/2.4 وتدعم الكاميرا تصوير الفيديو بجودة 1080p بمعدل 30 إطار في الثانية
- • البطارية: غير قابلة للإزالة سعة 4230 ميللي أمبير في الساعة غير مدعومة بتقنية الشحن السريع ويتم شحنها عبر منفذ microUSB
مواصفات
- لمعالج: Mediatek Helio P35 ثماني النواة تكنولوجيا 12 نانو
- التخزين / الرام: 32 جيجا مع 3 جيجا رام
- الكاميرا: خلفية ثنائية 13+2 م.ب. / امامية 5 م.ب.
- الشاشة: 6.22 بوصة بدقة HD+ بها نوتش صغير
- نظام التشغيل: اندرويد 9.0
- البطارية: 4230 مللي أمبير
تجربة المستخدمين
اشرف على سباك
اشتريته بالقسط من محل بجوار سكنى اتفقت معاه على 500 جنية فى الشهر حلو بالنسبه لى وقسط حنين
هكذا بداء اشرف كلامه على هاتف اوبو ايه 12
الجهاز عجبنى اوى بصراحة شرحتين خط للشغل وخط للبيت والاصدقاء سريع اتعلمت عليه بسرعة كنت عايز اعمل صفحة على الفيس بوك عشان اعرض شغلى عليها والحمد لله بقى معاى جهاز حديث اصل التليفون اللى فبل ده كان تليفون زراير
دلوقتى بصور شغلى واعرضه على الفيسبوك عشان الزباين بسوق لشغلى يعنى
بص انا مش بفهم اوى فى مواصفات والكلام ده ومش مهتم يعنى التليفون بعمل منه مكالمات والصوت واضح اوى بصور شغلى وبيطلع حلو و اه بصور العيال كمان واصحابى على القهوة والصور بتطلع حلوة اوى
عجبنى موضوع البصمة دى عشان مفيش اى صنايعى معاى فى اى شغلانه ياخد التليفون يقلب فيه الموضوع ده رخم بصراحة بشغل عليه قراّن واوقات اغانى وانا شغال بيسلينى
بالليل بقى بتفرج على اى فيلم عربى كده كوميدى افصل بيه من وجع دماغ اليوم
لا مليش فى الالعاب بصراحة لا الواد ابنى الكبير جايبله تليفون بشاشة من زمان هو بقى بيلعب عليه وكل حاجة و اوبو كمان لكن اعلى من التليفون ده ماهو اللى قالى اشترى منه احسن
البطارية بحط الجهاز على الشاحن بالليل قبل ما انام وبيقعد معاى اليوم كله بصراحة لا مش عارف شحن سريع ولا بطىء بس هو بيتشحن وخلاص و ذى الفل اهو
عيوب مش عارف م انا قولت انا مفهمش فيهم لكن اه جى من غير جراب واشتريت ليه واحد ب 25 جنية واسكرينة قالولى عشان الشاشة متكسرش ب 20 جنية كمان ده عيبه بقى
*نفلنا الحديث مع الاسطى اشرف كما هو بالضبط نشكره جدا لمراجعته للهاتف
السعر فى السوق المصرى 2200 جنية
* رأى الموقع فى السعر انه سعر عالى على مواصفات واداء الهاتف حيث ان اداءه اقل من المتوسط كهاتف من الفئة الاقتصادية
وشكرا
T10T
OPPO